Ваштар – эн мотор пушеҥге. Тудын лышташыже шӱдырым ушештара, тӱсшӧ – кечым. Мый тудым тӱткын эскеренам. Ик арня ужарге-йошкарге тӱсан шогыш, вес арнян йошкаргыш, кызыт шӧртньыла волгалтеш. Ме ваштар лышташ гыч курыкым ыштена да лум семын вашла кышкылт модына.
Ӱдыр-рвезе-влак, те тыге модыда?
Сева НИКИТИН.
Кужэҥер, Шӱдымарий.
Мемнан Милка лӱман пырысна уло (снимкыште). Тудо кум тӱсан, кужу пунан, мотор, ныжылге да ушан. Мый тудым пеш йӧратем. Эре коктын модына. Школыш кайымем окна воктене ончен шинча, вара тушанак…
Палыме лийза, тиде Параньга район Усола школышто 6-шо классыште тунемше Злата Андышева (снимкыште). 12 ияш гынат, тудын вий-куатше пӱтынь командым ончыко наҥгаяш сита. Спортлан ятыр жапым ойыра, чыла «визытанлан» тунемеш,…
