Снимкыште Советский район Алексеевский школышто 2-шо классыште тунемше-влакым да туныктышышт Л.В.Шадрина ден В.С.Петуховам ужыда. Йоча-влак марий йылмым кумылын тунемыт. Тылеч посна марий калыкын йӱлажым, эртыме корныжым шымлат. Шочмо-кушмо кундемыштын историйжым пален налаш тыршат. Чыла тидым иквереш чумырен, «Ӱярня йор-йор» кином войзеныт. Пашашт дене «Самырык тукым» республикысе конкурсын районысо йыжыҥыштыже икымше верым сеҥен налыныт.
Туныктышо. Тиде мутым колмек, шинча ончылнем вигак авамым ужам. Тудо школышто руш йылме ден литературым туныкта. Алеся Валериевна пашам йӧрата, поро лияш кумылаҥда, келге шинчымашым пуа, йоча-влакым пагала. Мыйымат тӱрлӧ…
Елизавета Александровна – мыйын йӧратыме туныктышем. Тудо Коркатово лицейыште физкультурым туныкта. Туныктышын тыршымыжлан кӧра ме писын куржталаш, пионербол дене модаш, ече дене чын кошташ, ияш тунемына. Тудо мемнам тӱрлӧ таҥасымашке…