Шошым эн ончыч папашудо «шӱйжым» шуя. Тудо кечым ушештара. Йошкар-Олаште тений 23 мартыштак пеледын манын ойлат. Папашудо деч вара лумпеледыш помыжалтеш. Тудым пӱнчерлаште ужаш лиеш. Пиры-гичкат ондакак пеледалтеш. Сирень тӱсан пеледышыже тамлын ӱпшалтеш да шкеж дек ӱжеш. Йоча-влак, тӱткӧ лийза! Тудым тӱкаш ок лий – аяран. Май тӱҥалтыште кукувуй, чечкевондо, кишкыйылме, мардежйымалшудо пеледалтыт. Ночкырак верыште тӱкышудо, ӱшвуйшудо койыт. Варарак ландыш ден тылзылӱҥгӧ озаланаш тӱҥалыт. Ятыр пеледышым Йошкар книгашке пуртымо. Нуным аралаш кӱлеш. Мый тидын нерген йолташем-влаклан палдаренам (снимкыште).
Давид ТИМОФЕЕВ.
Волжск, 2-шо номеран школ.
