Школ тоштер пелен ятыр ий «Юный краевед» кружок пашам ышта. Ӱдыр-рвезе-влак Кугу Ачамланде сарыште подвигым ыштыше землякышт, тылын труженикше-влак нерген нерген уверым погат. Тений сарын геройжо-влакын ӱдыр-эргышт, уныкашт дене вашлийыныт, нунын деч йодыштыныт. Йоча-влак «Марийская правда» да районысо газет-влакын ондакысе номерлаштышт савыкталтше статья-шамычым шымленыт.
Кружокыш коштшо рвезе Дима Гавриловын коваже Фелицата Андреевна Васютина, аважын каласкалымыжым шарналтен, тыгерак ойлен:
– 17 ияш ӱдыр-влаклан моткоч йӧ сӧ лийын. Авам шым ий наре йот кундемлаште окопым кӱнчен, чодырам руэн, шолым волтымаште тыршен. Нунын бригадышт чодырам ямдылен. 40 градус йӱштӧ годымат пашам ыштеныт. Кылмыше мландым кольмо да лом дене кылмыше мландым руэныт. Землянкыште да оҥа дене гына ыштыме баракыште иленыт. Киндым нормо дене пуэныт – кечеш 500 граммым. Пареҥге але поҥго шӱрым кочкыныт. Шокшо вургем лийын огыл, телымат, кеҥежымат йыдал дене коштыныт. Но нуно ик шонымаш дене иленыт – фронтысо армийлан тушманым кырен шалаташ полшаш. Шке коклаштышт таҥасымаш-влакым эртареныт. Мемнан ялысе ӱдырамаш-влак ойыртемалтыныт да сеҥымаш дене пӧ ртылыныт. Нунылан Йошкар тистым пуэныт.
Яктансола гыч самырык ӱдыр-влак сар годым ФЗО-што тунемыныт, Юрино посёлкысо коваште заводышто пашам ыштеныт. Шары, Боровский посёлкылаште (кызыт нуно уке улыт) чодырам руымаште, лесопилке заводышто тыршеныт. Вара нуным Нижний Тагилысе танк заводыш электросварщиклан колтеныт.
Кружокыш коштшо ӱдыр-рвезе-влак мемнан кундемышке Латвий гыч эвакуироватлалт толшо еш-влаклан ӧрыныт ыле. Мутлан, Яшмолкино ялыште тыгай шым еш лийын. Яктансола гыч А.Егоркина кок икшыван ӱдырамашым илаш пуртен. Пырля колхоз пасушто тыршеныт.
Йоча-влак дене кугу шымлымаш пашам эртаренна. Лектышым тоштерысе «Они ковали победу в тылу» стендыште ужаш лиеш.
Снимкыште: Элина Колесникова ден Аня Баландаева Евдокия Егоровна Алдушкина дене.
З.АПАКОВА, тоштер вуйлатыше.
Курыкмарий, Микрак.
