Республикысе марий тӱвыра рӱдер самырык тукымым калык йӱлалан кумылаҥдыме шонымаш дене республикысе школлаште «Марий йӱла» марафоным эртара. Шукерте огыл тыгай мероприятий Кужэҥер район Коҥганур школышто лийын. Тушко 5-8-ше класслаште тунемше-влак ушненыт. Ӱдыр-рвезе-шамыч, командылан шелалтын, марий йӱла дене кылдалтше квест-модышышто уш-акылыштым тергеныт. Тӱрлє марий калык модыш дене модыныт.
– Йӱлашке, пайремышке калыкын тӱняончалтышыже, паша, еҥ кокласе кыл нерген умылымашыже шыҥдаралтыныт, – ойлен рӱдер вуйлатышын алмаштышыже В.Г.Петров.
Мероприятий мучаште «Кугече» видеофильмым онченыт.
