Шернур район Мустай кыдалаш школышто икмыняр кружок пашам ышта. Нунын кокла гыч иктыже – «Бумажные фантазии». Ты кружокым тӱҥалтыш класслам туныктышо В.З.Мустаева вуйлата. Йоча-влакым кидпашалан шӱмаҥда. 1-4-ше класслаште тунемше-влак арнялан кок гана, вӱргечын да кугарнян, кружокышко погынат. Нунылан оҥай лийже манын, Виктория Зиновьевна ум, ойыртемалтшым шонен луктеш. Тӱрлӧ тӱсан кагазым да вес материалым кучылтын, мотор, кумылым нӧлтышӧ поделке-влакым ыштат. Шке пашашт дене школысо гына огыл, районысо, республикысе да российысе конкурслашке ушнат. У ий вашеш паша эшеат чот шолеш (снимкыште). Чылт йомакысе гай чучеш.
