Йошкар-Олаште тайский бокс дене Марий Эл Республикын чемпионатше да первенствыже эртаралтыныт. Тушто мыят таҥасенам да сеҥышыш лектынам. Ачамат спортын ты видше дене кылым кучен да тидын нерген каласкален. Мыланем оҥайын чучын. Таҥасымашлан тренер Д.Л.Текутьев ямдыла. Тудо мыйым чын кучедалаш, лӱддымӧ лияш туныкта. Кыртмен пашам ышташ тӱҥалам гын, кугу кӱкшытышкӧ шуын кертам.
Венера ЛАРИОНОВА.
4-ше номеран Медведево школ.
