Ӱдыр-рвезе-влакым изинек пӱртӱсым аралаш туныкташ, экологий шотышто тӱрлӧшымлымашым эртараш шонымаш дене Волжск олаште Экологий рӱдер пашам ышта. Тудым М.В.Мичукова (снимкыште – икшыве-влак дене) вуйлата.
– Марина Валентиновна, рӱдерыште йоча-влакым могай пашалан шӱмаҥдеда?
– Ныл направлений дене пашам ыштена: естественнонаучный, социально-педагогический, художественный, технический. Естественнонаучный направлений кышкарыште «Юный эколог», «Природа вокруг нас», «Основы экологии», «Экология сообществ живых организмов», «СуперИсследователи», «Экология в загадках», «Увлекательная химия» ушем-влак улыт. Социально-педагогический направлений «Экоша» (Юнкоры), «Экотеатр», «Комната школьника: уголок живой природы» да моло ушем-влакым уша. Художественный направленийыш «Юные дизайнеры», «Волшебная глина», «Бумажная пластика», «Выжигание и художественная роспись» ушем-влак пурат. Икшыве-влак верысе пӱртӱсым шымлаш, аралаш, химий дене изирак опыт-влакым эртараш, чодыраште шкем кучаш, туристын арвержым погаш, пӱртӱс материал гыч тӱрлӧ кидпашам ышташ да молыланат тунемыт. Рӱдерыш 600 наре ӱдыр-рвезе коштеш.
– «Успех каждого ребёнка» федерал проект дене пашам ыштеда. Могай у программе-влакым шыҥдареда?
– Тиде проектлан кӧра вич у программе шочын. «Фенологические наблюдения в лесной экологии» (10-13 ияш ӱдыр-рвезе-влаклан) «Лес в современном мире» (11-16 ияш-влаклан), «Будущие лесоводы» (12-14 ияш-влаклан), «Мы изучаем лес» (13-15 ияш-влаклан), «Химия окружающей среды» (12-15 ияш-влаклан), «Сохраним природу края» (15-16 ияш-влаклан).
– «Цифровой музей природы» проектда оҥай. Тудын дене палдарыза.
– Экологий рӱдер пеленысе тоштер 1998 ийыште почылтын. Тудым Светлана Юрьевна Савицкая вуйлата. «Юный энтомолог» кружокыш коштшо йоча-влак Максим Аркадьевич Николаевын вуйлатымыж почеш шукш-копшаҥгым, нунын нерген материалым погат, шымлымаш пашам эртарат, конференцийлашке, слётлашке ушнат. Экспонат-влакым тӱнян кеч-могай лукшо гыч еҥ-влак ончен кертышт манын, цифровой музейым ышташ шонен пыштенна.
