Мый кеҥеж канышемым пеш сайын эртарем. Июнь тӱҥалтыште Кораксола клуб пеленысе «Кече» сводный отрядыште каненам. Кызыт туныктышем Е.В.Григорьева дене пырля «Ковайлан – полыш!» проектым илышыш шыҥдарена. Илалше еҥ-влаклан тӱрлӧ полышым пуэна. Соня ден Тоня ковай-влак дене лияш йӧратена, Санюк кочай деке ошкыл колтена. Нунын пеледышышт пеш чот шуко, вӱдым шавена. Кажне кугарнян «Морко мланде» газетым нумалына. Ковайна-влак мыланна таум ойлат.
Надежда СЕРГЕЕВА.
Морко, Шӱргыял.
