Право дене всероссийский олимпиадын пытартыш йыжыҥже Уфа олаште эртаралтын. Марий Элын чапшым Йошкар-Оласе Т.В.Иштрикова лӱмеш «Синяя птица» гимназийын 9-ше классыштыже тунемше Виктория Маклакова (снимкыште) арален да призёр радамыш лектын.
– Олимпиаде оҥай да шонаш таратыше лийын. Устный таҥасыште нелылык шижалтын. Мыланем «Правовые проблемы обеспечения биологической безопасности» теме почеш шке шонымашым каласкалаш кӱлын. Туныктышем Ксения Ивановна Ушакован сайын ямдылымыжлан кӧра ты таҥасыште 25 балл гыч коло кумытым погенам – ойла Виктория.
