Шукерте огыл ме, Параньга, Оршанке, Шернур районла да Чуваший гыч 40 ӱдыр-рвезе, водно-пеший походыш миенна. Немда, Пижме, Виче эҥерла мучко шым катамаран дене 114 меҥгым ийын эртенна. Лу километрым йолын ошкылынна. Кундемна могай мотор: гӱжлышӧ чодыра, кумда пасу, чевер кече. Буржуатский сергӱм, Чумбылат курыкым, Зараменский курыкпомышым ужынна. Ияш йокрок ынже лий манын, мурым мурена, мыскарам ыштенна. Шуко йолташым муынна. Вуйлатышына-влаклан кугу таум ойлена. Вес походым моткоч вучена.
Александра ЗАЙЦЕВА.
Параньга, Усола.
