«Роза ветров» йоча да самырык-влакын республикысе рӱдерышт тунемше-шамычлан «Край родной, навек любимый» туриадым эртарен. Тудо эртыше ий мучко шуйнен. Республикын шым районжо гыч 370 тунемше ушнен. Йоча-влак вуйлатышышт дене Марий кундемна мучко 48 походыш миеныт. Ты проект ӱдыр-рвезе-шамычым спортлан, туризмлан шӱмаҥдыме, шочмо кундемнам шымлыме, тудын нерген шукырак пален налме шонымаш дене илышыш шыҥдаралтеш. Волжск олан, Курыкмарий да Кужэҥер район-шамычын командышт икымше верым сеҥен налыныт. Эн сай лектышым ончыктышо-влакым чап грамот да пӧлек дене палемдат.
Снимкыште: Кужэҥер районын командыже.
З.Пайдыганован фотожо.
