Юлия лӱм пеш ныжылгын йоҥга. Тыгай лӱманӱўдыр-влак ойыртемалташ да эре ончылно лияш тыршат. Чыным йӧратыше, поро кумылан Юлия Канашина (снимкыште) дене кутырымо годым лач тидым шижым. Тудо Параньга район Кугу Пумарий школышто 9-ше классыште тунемеш. Почеламутым марла сылнын лудаш кумылан.
– Мый школнан выпускникше Юрий Рязанцевын почеламутшо-влакым лудаш йӧратем. «Ава шӱм» почеламутшым конкурслаште икмыняр гана каласкаленам. Серызе моткоч сылнын да чонеш логалшын возен. Тыгак Йыван Кырлан возымыжо чонемлан лишыл. Нуно коктынат серызе да артист лийыныт. Почеламутым лудмо деч ончыч шке семынем эре шонем: нуно сценыште кузерак койыт да кажне шомакшым кузерак каласат ыле? Тунам гына наизусть тунемаш тӱҥалам, – ойла ӱдыр.
Юлия Рязанцев, Якимов лудмашлаште мастарлыкшым ончыктен да сеҥыше-влак радамыш лектын. Тудым марий йылмым туныктышо Г.И.Антонова ямдыла. Ӱдыр тыгак акаже, ончыкылык артист Татьяна Вараксина деч шукылан тунемеш. «Сылнымут дене кылем нигунам ок лушко», – манын ӱшандара Юлия.
Х.АЛЕКСАНДРОВА.
Авторын фотожо.
