Изирак класслаште тунемше-влак «Дом без одиночества» проектым илышыш шыҥдарат. Кораксола ялысе шоҥгыеҥ-шамычлан полышым пуат. Телым лумым куат, пӧрткӧргым эрыктат, кевытыш кочкыш-йӱышлан миен толыт. Кеҥежым йыраҥлашке вӱдым шават. «Морко мланде» газетым шаркалаш полшат. Шукерте огыл София Николаевна ден Александр Викторович Кирилловмыт дене лийыныт (снимкыште). Йоча-шамыч изинек шоҥгыеҥым пагалаш, икте-весылан полшаш тунемыт.
Дмитрий ЕГОРОВ.
Морко, Шӱргыял.
Фотом школ архив гыч налме.
