Константин Ситников – руш серызе, кусарыше. 1971 ий 7 февральыште Тула вел Узловая олаште шочын. Кызыт Марий Элыште ила. Шкенжын икымше сай произведенийжылан «Треба» фантастике ойлымашым шотла. К.Ситников англичан, венгр, марий йылмыла гыч почеламутым кусарен. Марий мифологийым ятыр жап шымлен да тудын дене кылдалтше термин мутерым ямдылен. «Юмо и Кереметь» изи йомак-поэмым серен. Действий кумда каваште эрта. Персонаж-влак ожно лийше событийлам ушештарат, лӱмышт дене йомакысе герой улмыштым палемдат: Юмо, Керемет, Пиамбар, Салий, Кава Юмо, Тылзе Юмо, Кӱдырчӧ Юмо, Юмын поян вольык кӱтўжӧ, тегыт тупан имньыже, овда кува да молат.
Марий мифологийым шымлен
