Пырля тунемме Иван Градобаев ден когылянна Москошто эртаралтше «Россий» форум-ончерыште лияш пиал шыргыжалын. Тушко чолгалыкна дене ойыртемалтмылан кӧра логалынна. Кок кече жапыште чонна нимучашдыме куан дене темын! Икымше кечын икымше павильонысо «Первые в России – стране возможностей» экспозицийла дене палдареныт. Варажым корнынам Марий Элын стендше деке виктаренна. Тушто шочмо кундемыштына улмо гай чучын. Российын 89 регионжын сӧрастарыме у ий кож-влак кокла гыч Марий кундемнаным муын, воктеныже фотом ыштенна. Кокымшо кечын Йошкар Площадьыште лийынна, почётан караулын вашталтмыжым эскеренна, у ий шӱлышан Москвам нӧлталтше кумыл дене онченна. Эн поро, сай да волгыдо шарнымаш-влак тачат чоннам ырыктат.
Виктория АНТРОПОВА.
Кужэҥер, Йӱледӱр.
Нимучашдыме куан
