Ик сылне кеҥеж кечын ешна дене Озаҥ оласе «Ривьера» аквапаркыш миенна. Тудо пеш кугу да мотор. Кажне еҥ шкаланже келшыше аттракционым муэш. Мыланем кӱкшӧ курык гыч мунчалтен волаш моткоч келшен. Изишак лӱдыкшӧ лийын гынат, чонышто кугу куан озаланен. Тушто тыгак кава йымалне улшо бассейн уло. Мыняр мотор фотом ыштенам! Йолташем-влакланат тушко миен толаш темлем.
Полина АЛЕКСЕЕВА.
Морко, Коркатово.
«Орлята России» йоча толкыныш ушнышо ӱдыр-рвезе-влак элнан ончыкылык ӱшанже улыт. Шукерте огыл Йошкар-Оласе 32-шо номеран «Калинка» йочасадысе «Ёлочка» ден «Черёмушка» группылаш коштшо-шамычым (снимкыште) «Орлята-дошколята России» радамыш пуртеныт. Тургыжланаш таратыше ты…
Иза-акана, кугурак йолташна-влак «Орлята России» программе почеш икмыняр ий пашам ыштат. Нуно волонтёр улыт, тӱрлӧ акцийыш ушнат, пӱртӱсым шымлат да ятыр вес сомылым шуктат. Ойыртемалтше чиемышт, значокышт торашке волгалтыт да…