Шернур районышто «Пӱртӱс дене пырля» сӱрет конкурсым иктешленыт. «Природа – жертва войны» номинацийыште Шӱдымарий школын 5-ше классшым тунем пытарыше Лиза Соловьёва (снимкыште) сеҥышыш лектын.
– Мый вич ияшак сўретлаш тӱҥалынам. Ачам – чылт художник. Тудо чиям чын ойыраш, тудым кагазыш пышташ туныктен. Мый пӱртӱсым сўретлаш йєратем. Тудын моторлыкшо мыйым кумылаҥда. Школышто ИЗО дене туныктышо Кристина Михайловна Никифорова кӱлеш ой-каҥашым пуа, – ойла Лиза.
Ӱдыр сӱретшым кок ужашлан шелын. Ик могырышто – пӱртӱс, юарлыше, ойгым палыдыме йоча-влак, вес велне – сар годсо сӱрет. Сарым ончыкташлан шемалге чия-влакым кучылтын. Тачысе да ожнысо илышым пиалан ош кӧгӧрчен ойыра. Моткоч сай шонымаш!
