У Торъял район Токтарсола школ пелен «Шонанпыл» йоча лагерь пашам ышта. Кум отряд уло. Тушко тӱҥалтыш класслаште тунемше 64 йоча коштеш. Ме, кугурак класслаште тунемше-шамыч, волонтёр семын пашам ыштена. Тӱрлӧ конкурсым, викториным эртарена. Пӱртӱсыштӧ лияш утларак тыршена. Ӱдыр-рвезе-влак эстафетыште вийыштым тергат, футболла модыт. Кеҥеж канышнам
пайдалын эртарена.
Родион НЕБОГАТИКОВ.
Родо-тукым дек унала мийымем годым бассейныштышт ала-мо ужарге койылалтмым ужым. Эн ончыч шудо пырче манын шоналтышым, вара шудышырчыкым ушештарыш. Туп дене кия ыле. Лукна – богомол улмаш (снимкыште). Ӱстембаке пыштышна.…
«Нацийын кроссшо» таҥасымашын районысо йыжыҥже Моркышто шукерте огыл эртаралтын. Тушко шукын уш неныт, Арын школ гыч икмынярын лийынна. Кече мотор шоген. Леве мардеж куржталше-влаклан вийым ешарен. Мый финишыш нылымше пуренам.…
