Козьмодемьянск оласе «Паллада» клубын юнгыжо-влак Санкт-Петербургышто эртаралтше «ЮНФЛОТ» да «ЮНАВИА» юнармейский отряд-шамычын кокымшо всероссийский стётыштышт лийыныт. Тушко Российын 14 регионжо гыч 150 юнармеец ушнен. Кум кече жапыште юнармеец-влак тӱрлӧ мероприятийыште усталыкыштым ончыктеныт, Военно-морской институтыш, тоштерыш экскурсий дене миеныт. Самырык юнго-влак опытым погеныт, уш-акылыштым пойдареныт, у йолташ-влакым муыныт. Слётышто налме шинчымаш рвезе-влаклан ончыкылыклан моткоч пайдале лиеш. Нуно лишыл жапыште Юл эҥер дене походыш тарванат. Самырык моряк-влакын погынымашышкышт, тӱрлӧ фестивальыш ушнат.
