Ме «Зимовка» сорт пареҥгым нылымше ий куштена. Тений лоп вереш 15 йыраҥым шындышна. 13 сентябрьыште пареҥгым кӱнчышна гын, лектыш моткоч куандарыше. Тыгыдыже чумыржо ведрат пеле лекте, урлыкаш – мешакат пеле, молыжо – чыла шолдыра. Лу пареҥгын нелытшым висалтен ончышым: кандаш килограмм! Тиде сорт пареҥгым тыландат шындаш темлем. Тудын шудыжым колорад копшаҥге ок коч, шӱкшудо шочын ок керт, фитофтор чер ок витаре. Пареҥге шудо, лум толмешке, ужарген кушкеш.
Даша СОШИНА.
Морко, Купсола.
