«Президентские игры» всероссийский спорт таҥасымашын регионысо этапше Йошкар-Олаште эртаралтын. Волжский районын чапшым Сотнур школын 7-8-ше класслажым тунем пытарыше ўдыр-рвезе-влак араленыт. Таҥасымаш волейбол, баскетбол, ўстембал теннис, куштылго атлетике дене лийын. Сотнур школын командыже эн шуко очком поген, икымше верым сеҥен налын. Ӱдыр-рвезе-влакым физкультурым туныктышо Р.С.Михайлов ден тренер М.С.Тимофеев ямдыленыт. Самырык спортсмен-влак Всероссийский таҥасымашын финалыштыже вий-куатыштым тергаш тўҥалыт.
Л.НИКОЛАЕВА ямдылен.
