6 октябрьыште Морко район Чавайнур ялыште «Чавайн лудмаш-2022» районысо поэзий конкурс эртаралтын. Тушко марий поэзийым йӧратыше, С.Г.Чавайнын усталыкшым аклыше йочасадыш коштшо да школышто тунемше 40 йоча ушнен. Тидын нерген юнкорна ден лудшына-влак палдарат.
С.Чавайнын памятникше воктене чумырген, серызе нерген эн ончыч поро мутым ойленна, пеледышым пыштенна. Вара конкурс тӱҥалын. ™дыр-рвезе-шамыч са-йын ямдылалтыныт, садлан мыланна, аклыше-влаклан, сеҥышым ойыраш куштылго лийын огыл. Эҥерсола школын тунемшыже-шамычат усталыкышт дене куандареныт. Почеламутым лудмаште Мария Николаева ойыртемалтын, прозышто – Савелий Фёдоров. Шке возымо почеламутшо дене Ксения Бутенина кумшо верым сеҥен налын. Поэтын сылнымутшо чоныштына ку-рымла дене илаш тӱҥалеш манын ӱшанена.
Г.СОШИНА.
Морко, Кӱчыкэҥер.
***
С.Г.Чавайным порын шарналтен, школыштына «Чавайн лудмаш» пайремым эртаренна. Мероприятийым марий йылмым да литературым туныктышо Е.В.Григорьева шиялтыш семже, «У элын кушмым куанен, мый мурем» почеламутшо дене почын. Ме поэтын почеламутшо-влакым сылнын лудынна. Конкурсышто Надежда Сергеева поснак ойыртемалтын. Тудо школнан чапшым районышто арален да кокымшо верым сеҥен налын. Ме Надежда дене кугешнена.
Стелла КУЗНЕЦОВА.
Морко, Шӱргыял.
