Юл кундем федерал округысо «Театральное Приволжье» йоча да самырык коллектив-влак фестивальын Марий Эл Республикысе йыжы-ҥыштыже Йошкар-Ола гыч «Воштончыш» образцовый музыкально-драматический да «Цветик-семицветик» музыкальный театр-влак сеҥеныт. Нуно окружной йыжыҥышке В.Якимовын пьесыж почеш шындыме «Мо шергакан?» да Г.Архиповын «Цветик-семицветик» спектакль-влак дене ушненыт. Нуным театральноеприволжье.рф сайтыште ончаш лиеш. Сеҥыше-влакым 27 мартыште палемдат.
