Мыйын ялем – Шап Унчо. Тудо Унчо ял деч вич меҥге наре тораште верланен. Шоҥгыеҥ-влакын ойышт почеш, ялын лӱмжӧ Екатерина Великая годымак пале лийын. Переписчик-влак тӱрлӧ ял гоч коштыныт улмаш. Мыняр еҥ илымым, мыняр сурт-пече улмым да яллан лӱмыштын возеныт. Мемнан ялышкат толын шуыныт. Ял калык ни рушла кутырен моштен, ни умылен огыл. Возкален коштшо-влак йомыныт да корным кычалыт манын шоненыт. Илыше-влак, Шап ден Унчо яллан лӱмыштым ойлен, корным ончыктеныт. Переписчик-влак «Сапуньжа» манын возеныт, а марлаже Шап Унчо, Марий Шап, Шап лиеш. Шап ялыште илыше татар калык ялнам «Ямбаса» манеш.
Оля СТЕПАНОВА.
Морко, Шап Унчо.
