1-ше номеран Шернур школышто кум ий утла школ радио пашам ышта. Тудым И.Г.Воронова ден М.С.Макаровын полшымышт дене почыныт. Радио кажне пайрем кечын чӱкталтеш. Шукыж годым тудым мый (снимкыште) вӱдем. Радио рушла да марла ойла. Шукерте огыл Марий тиште кечым палемдышна. Тӱнямбалне улшо ситуацийлан кӧра тӱшка мероприятийым эртараш огеш лий. Радио У ий деч ончыч пайрем кумылым нӧлталаш полша, шонем.
Дима ВЕДЕНЬКИН.
«Йочам сылнымут деке эр шӱмаҥдет гын, лектыш куандарыше лиеш», – манеш Морко район Арын кыдалаш школышто тӱҥалтыш класслам туныктышо Олимпиада Алексеевна Васильева. Тудо ӱдыр-рвезе-влакым икымше класс гычак тӱрлӧ конкурслан ямдыла.…
Ковам ден кочам посёлкышто илат. Мый нунын деке чӱчкыдын унала коштам. Ковам ден кочамын Люся пырысышт уло. Тудо мыйын поро йолташем (снимкыште). Кажне кечын ом уж гынат, садикте йӧратем. Шижам,…