Сайын тунемаш манын, йоча пайдале кочкышым кочшаш. Эрдене муно ден сырлан кугу тӱткышым ойырыман. Кечывалым шокшо кочкыш лийшаш. Кочмо шумо годым пӱкшым, шоколадым пурлаш келшен толеш. Пӱкш шонаш полша, шоколад кумылым нӧлта.
Ӱстел пластилин дене амырген гын, кушкыл ӱй полша. Ӱйым атыш пыштыман да пушкыдо куэм дене йыгыман. Ӱмбачше ару лапчык дене ӱштман.
Ош вургемыш гуашь пижын гын, лимон кислота, уксус полшат. Амыргыме верым лимон кислоташ але уксусеш нӧртымӧ мамык диск дене чия тӱр гыч покшекыла йыгыман да порошок дене мушкын колтыман.
Рюкзакыште тетрадьым писын мунеда гын, тетрадь тӱрым тӱрлӧ тӱсан маркер дене чиялтыза.
Урокышто налме уверым сайынрак шарнен кодаш манын, тудым ты кечынак пачаш-пачаш лудман. Мутлан, малыме деч ончыч келшен толеш.
Физкультур урокыш чийыме формо сумкаште ынже туржалт манын, пӱтырен пыштыман. Костюмым эн ончыч пеле гыч тодылман, вара мундыраш пӱтырыман.
Алгебр але геометрий уроклан циркульым монденат? Скрепке ден карандаш полшат. Скрепкым крючок семын кагыртыза. Оҥгышко карандашым шогалтыза. Иктым пеҥгыдын кучыман, весе дене корыман.
