Кузнеч школын ятыр выпускникше сарзе операцийыште патырлыкым ончыкта. Нунын кокла гыч иктыже – В.Л.Смородинов – шукерте огыл отпускыш толын. Тудым ме школышко вашлиймашке ӱжынна (снимкыште). Школышто тунеммыж годым тале спортсмен улмыж дене ойыртемалтын. Кеч-могай пашам ышташ эре ямде лийын. Валентин Леонидович сарзе корныж нерген каласкален. Пеҥгыде капкылан, чытыше, шке вийлан ӱшаныше кушкаш кӱлмӧ нерген ойлен. Чолга выпускникна дене кугешнена.
Регина ПЕТУХОВА.
У Торъял район.
