«Движение Первых» йоча да самырык-влакын российысе толкыныштын Марий Элысе пӧлкажым торжественно почыныт. Пайрем Йошкар-Олаште Самырык-влакын полатыштышт эртаралтын. Тушко Марий Элым Вуйлалыше Ю.В.Зайцев, «Движение первых» толкынын I съездшын делегатше-влак, «Большая перемена» всероссийский конкурсышто сеҥыше-шамыч да республикысе школла гыч активист-влак ушненыт.
– Пеҥгыдын каласен кертам, тиде толкын йоча да самырык-влакым иктеш уша. Ме, кугыеҥ-шамыч, нунылан эре полшаш ямде улына да эҥертыш лийына, – ойлен Юрий Викторович.
Регионысо пӧлкан икымше заседанийже лийын. Паша планым рашемденыт, пӧлкан советшым пеҥгыдемденыт. Марий Элысе пӧлкам вуйлаташ О.В.Мелентьевалан ӱшаненыт.