Морко посёлкысо социал реабилитаций рӱдерыште илы-ше ӱдыр-рвезе-влак дене тӱрлӧ вере экскурсий дене кошташ кумылан улына. Верысе ик кафе воктене шкешотан кайык парк уло. Шукерте огыл тушко тӱшкан миенна. Паркыште павлин-влак илат. Нуно почыштым шаралтатат, йомакысе кайыкла койыт. Йоча-шамычлан ош тӱсанже поснак келшен. Тудо лумӱдырым ушештарен. Книгасе сӱретыште ужмо – икте, илышыште эскерыме дене тудым от таҥастаре. Психолог-влакын ойышт почеш, кайык дене вашлиймаш чоным лыпландара. Садлан шулдыран йолташ дене «кутырымаш» пайдале лийын, шонем.
Н.НИКИТИНА.
