18-21 июньышто «Марий юнкор» усталык школышто лияш пиал шыргыжалын. Ныл кече пайдале да лектышан лийын. Ме журналистикын тӱрлӧ жанрже дене палыме лийынна, почеламутым возаш тунемынна, кумдан поэт, писатель, артист-шамыч дене вашлийынна. Нунын дене вашлиймаш да тетрадьыш шындыме кидпалышт ӱмыреш шарнаш кодыт. Мыйын шонымаште, «Марий юнкор» усталык школ моткоч кӱлешан. Тыште шинчымашым пойдараш, у йолташым муаш лиеш. Мый гын утларак возаш кумылаҥым. Эше ик тошкалтышлан ончыко кӱзымемла чучеш. «Ямде лий» газет редакцийыште пашам ыштыше-влаклан кугу таум ойлем.
Юлия ЯГОДАРОВА.
Советский, Кельмаксола.
