Марий Эл Республикым Вуйлатыше Ю.В.Зайцевын темлымыж почеш Йошкар-Олаште «Марий кеҥеж» проект кокымшо ий эртаралтеш. Рӱдолаште илыше ден уна-влаклан фестиваль кышкарыште каныш кечылаште тӱрлӧ площадкыште оҥай мероприятий-влак эртаралтыт. Тӱрлӧ сынан мастер-класс, концерт, йоча модыш, спорт эстафете, кава йымалне фильм-влакым ончымаш да тулеч молат. Тыште кажныже чонжылан келшыше пашам муэш!
Снимкыште: Республикысе курчак театрын «Мультфильмысе герой-влакын элыште» йоча программыже.
