Уфа олаште «В.Н.Старцевын мемориалже – 2024» шахмат дене таҥасымаш эртаралтын. Тушто 162 участник уш-акылжым терген. Призёр-влак коклашке Йошкар-Оласе 7-ше номеран школышто индешымше классыште тунемше Максим Волков (снимкыште – пурла гыч кокымшо) логалын. Самырык шахматист рвезе-влак кокласе таҥасымаште «Гран-при России» да «Блиц Гран-при России» этаплаште кок 2-шо верым сеҥен налын. Саламлена!
Башкортостан Республикын шахмат федерацийжын фотожо.
