Советский район Кужмарий тӱҥ школын кокымшо классыштыже тунемше-шамыч «Поро шомак-влак» проектым ямдыленыт да араленыт. Йоча-влак марий поро шомаклам тӱрлӧ могырым шымленыт. Проектлан материалым верысе книгагудышто, Интернет ресурсышто кычалыныт. Ача-ава-влак кугу полышым пуэныт. Кажне проектше оҥай да шонаш таратыше лийын. Тунемше-влаклан шымлымаш паша келшен. Ончыкыжымат ты сомылым шукташ тӱҥалыт.
Л.Г.ИСАЕВА, туныктышо.
27-28 мартыште Йошкар-Олаште «Первые роли» школ театр-влакын республикысе фестиваль-конкурсышт эртаралтын. Тушко республикысе тӱрлӧ школ гыч 1-11-ше класслаште тунемше артист койышан ӱдыр-рвезе-влак погыненыт. Кок кече жапыште 33 ойыртемалтше спектакльым ончыктеныт. Шернур…
«Пушкин карте» нерген кызыт чыланат палат, шонем. Тудо шуко вере яра миен кошташ йӧным ышта. Мыят кучылтам. Марий спектакльым ончаш моткоч йӧратем. Билет шулдо огыл, а ты карте дене налын,…