Уремыште, пасушто, олыкышто шӱкым кышкена гын, шкаланна эҥгекым ыштена огыл мо? Гӱжлышӧ чодыра, ужар шудо, сӧрал пеледыш огыт лий гын, мо дене шӱлаш тӱҥалына? Яндар вӱд огеш код гын, могай вӱдым йӱына? Йыр улшо тӱням лавыртена гын, мом куанен ончаш тӱҥалына? Садлан пӱртӱсым аралыман. Южо еҥ-влак машина дене кудал эртымышт годым окна гыч шӱкым кудалтат. Мый почешышт кораҥдаш тыршем. Мыйым авам изи годсек пӱртӱсым аралаш да тудын моторлыкшым ужын мошташ туныкта.
Костя ШЕХУРДИН.
Шернур, Кукнур.
