Лудаш кузе кумылаҥдаш?

Редакцийышке Анастасия В. (Марий Турек район) деч йодыш пурен:

«Эргым вич ияш, йочасадыш коштеш. Лудаш кумылжо йӧршын уке. Мӧҥгыштӧ тӱрлӧ семын ондален лудыкташ тыршена, но шорташ веле тӱҥалеш. Лудаш кузе кумылаҥдаш?»

Психолого-педагогический да калыклан социал полышым пуышо «Доверие» рӱдерын психолог-педагогшо Т.СОЛОВЬЁВА икмыняр ой-каҥашым пуа:

– Йоча-влак тӱрлӧ койыш-шоктышан улыт. Икте книгам уло кумылын лудеш, весе эсогыл лаштык-влакым кушкедеш. Кажне ача-ава эскерышаш: икшыве лудаш ямде але уке. 3-4 ияш йочам книга дене палымым ышташ келшен толеш. Тӱрлӧ чиян оҥай сӱретан книгам ончыктымо гыч тӱҥалаш лиеш. Алфавитым тӱрыснек тунеммекыже,  эн ондак слогым лудыктыман, вара – шомакым.

Ача-ава-влак шкежат пример лийшаш улыт. Йоча нунын кидыште книгам чӱчкыдын  ужеш гын,  лудаш кумылжо лектеш. Модыш йӧнымат кучылташ лиеш. Икшывым ӧкымеш лудыктыман огыл, тудым кумылаҥден моштыман. «Тый урокышто отыл, тыланет «кокытан» отметкым огыт шынде» манын умылтарыман. Лудмо годым уда мутым ойлыман огыл.

  • Христина Александрова

    «Ямде лий» газетын редакторжо.

    Related Posts

    Пайдале сомыл

    Республикысе курчак театрыште «Эл – Театр – Школ» V всероссийский фестивальын кокымшо туржо эртаралтын. Тушто 12 команде мастарлыкшым жюри ончык аклаш луктын. 1-ше номеран Морко школ театрын самырык артистше-влакат нунын…

    Талешкым чапландарена

    22 апрельыште Йошкар-Оласе «Герои Отечества» тоштер-патриот рӱдерыште «Ший талешке» шымлыме паша конференций эртаралтын. Тушко республикысе тӱрлӧ районысо школла гыч 15 тунемше ден ик туныктышо ушненыт. Нуно «Талешке мемнан коклаште», «Элым…