• 1926 ий 31 июльышто «У вий» журнал ош тӱням ужын.
• «Йошкар кече» газетын пашаеҥже-влак С.Элнет, М.Шкетан, П.Ланов да Э.Савинов журналлан негызым пыштеныт.
• Журналын лӱмжӧ икмыняр гана вашталтын, альманах шотан лектын: «Пиалан илыш», «Родина верч», «Марий альманах».
• 1954 ий гыч «Ончыко» лӱмым нумалеш.
• «Ончыко» журналын тӱҥ редакторжылан В.Столяров (Юксерн), А.Асылбаев, В.Колумб, Семён Николаев, А.Юзыкайн, А.Тимиркаев ыштеныт.
•Кызыт журналын тӱҥ редакторжо – самырык поэт Игорь Попов.
«Ончыко» журналын пагалыме пашеҥже-влак! Пайрем дене уло кумылын саламлена! Пашаштыда тӱвыргӧ лектышым, у сеҥымашым, усталык шӱлышым тыланена. Пиалан да таза лийза.
