«Марий юнкор» республикысе усталык школышто лийме годым мемнан дек ятыр серызе вашлиймашке толын. Нунын коклаште – Татьяна Соловьёва. Тудо ятыр книгам савыктен луктын, мурым сылнын мура, Марий Эл Радиошто вӱдышылан тырша. Шукерте огыл «Кеҥеж деч ондак ок тол шыже» книгаже ош тӱням ужын. Поэтессын почеламутшо-влак сылне, шонаш таратыше, чоныш логалше улыт. Арам огыл тудын шомакшылан ятыр муро шочын. Калык йӧратен да пагален колыштеш. Т.Соловьёвалан усталык пашаштыже лектышым да сеҥымашым тыланем.
Юля ЯГОДАРОВА.
Советский, Кельмаксола.
