Ялар коремыште кеҥеж мучко ныл турня илыш. Шӱжарем дене вольыкым кӱтымӧ годым эре эскерыша. Икана ме корем пудашыште пуным да пыстылым шекланыша. Чонлан моткоч йӧсӧ лие. Регина шӱжарем ойла: «Тиде вет рывыжын пашаже». Вес кечын адак тыгаяк сӱретым ужна. Тылеч вара турня-влак йомыч. Ик кечын кӱтӱм кӱтымӧ годым кок турня койылалтыш. Кугу куан шӱм-чоным авалтыш! Но ынде нуно кузе илаш тӱҥалыт? Кайык-влакын чыла сай лиеш манын, моткоч ӱшаныме шуэш.
Полина ПЕТУХОВА.
У торъял, Кузнеч.
