Шашке – тиде науко, спорт да сымыктыш. Спортын тиде видше дене изинек кылым кучышо йоча шонкалаш, иктешлымашым ышташ тунемеш, тӱткылыкшӧ вияҥеш. Теве Йошкар-Оласе 53-шо номеран «Изи Патыр» йочасадын «Спартанцы» группышкыжо коштшо ӱдыр-рвезе-влак «Весёлые шашки» кружокым пеш йӧратат. Шашке дене модаш воспитатель М.И.Филиппова туныкта. Шинчымашым пеҥгыдемдыме семын «Ша-шечный турнирым» эртареныт (снимкыште). Нелли Петрова, Матвей Леухин, Алиса Пайдышева эн устан модыныт да сеҥышыш лектыныт.
Фотом йочасадын архивше гыч налме.
