Платон Иванович Поликарпов 1923 ий 5 январьыште Кужэҥер район Йывансолаште шочын. 1930 ийыште школыш каен. Индеш ий тунеммеке, «У Нольо» колхозышто пашам ыштен. 1942 ий 25 февральыште сарыш каен. Икымше кучедалмаш, мутат уке, шучко лийын. Кочам «За отвагу» медаль дене палемдалтын. Ленинградым аралымыж годым сусырген. Шӱмжӧ воктеке логалше осколко дене ӱмыржӧ мучко илен.
1946 ий 17 майыште шочмо кундемышкыже пӧртылын. 8 йочам ончен-куштен. 19 уныкаже, 7 кугезе уныкаже улыт. Платон Иванович 2005 ий 27 майыште илыш дене чеверласен. Лач тыгай еҥ-влаклан кӧра ме илена.
Настя ПЕТУХОВА.
Кужэҥер школ.
