28 январь – Легон тўнямбал кечыже. Тиде кече – Марий Турек школын тунемшыже-влаклан кугу пайрем. Нуно конструкторым по-гаш изинек шӱмаҥын кушкыт. «Точка роста» рӱдер пелен «Lego-конструирование» кружок пашам ышта. Тудым тӱҥалтыш класслам туныктышо И.В.Хорошавина вуйлата.
– Кружокым кум ий ончыч почмо. Тушко 1-4-ше класслаште тунемше-влак коштыт. Йоча-влак, лего-конструкторым поген, сайынрак тунемыт, шымлыме пашашке ушнат, ум шке гыч шонен луктыт, уш-акылыштым, усталыкыштым вияҥдат, – ойла Ирина Витальевна.
Ӱдыр-рвезе-влак тӱрлӧ транспортым, замокым, янлыкым, суртвольыкым, пӧртым, суртышто кучылтмо ӱзгарым, кушкылым да молымат погат. Ончыкылык-лан шонымашышт ятыр. Йоча-шамыч XXII курымын машинажым да олажым чоҥынешт.
