Школьник-влакын российысе толкыныштын активистше-влак «Край родной, навек любимый» республикысе туриадышке ушненыт. Нуно Карман курыкышко миеныт. Экологий йолгорнышто шӱкым эрыктеныт, пале-влакым уэмденыт. Биологий урокышто налме шинчымашыштым пеҥгыдемденыт. Пашам мучашлымеке, самырык турист-влак тулотеш кочкышым ямдыленыт. Директорын воспитаний паша шотышто алмаштышыже Л.И.Анисимовалан да ОБЖ-м туныктышо В.А.Подбойкинлан походышко тарванаш кумылаҥдымыштлан тунемше-влак таум ойлат.
В.СМИРНОВ.
Морко, Коркатово.