Злата ВЕТКИНА (снимкыште) Йошкар-Оласе 31-ше номеран школын 2-шо классыштыже тунемеш. Кок ияшак мураш тӱҥалын: эн ондак ансамбльыште, вара шкетын. «ГолосОК» вокал студийыш коштеш. Кушто гына лийын, кушто гына сеҥен огыл?! Моско, Санкт-Петербург, Краснодар, Озаҥ олалаште да Йошкар-Олаште эртаралтше всероссийский ден тӱнямбал конкурслаште лауреат лӱмым сулен.
Злата марий мурымат мура. «Йочасадыште марий муро конкурсым эртареныт. Яндар йӱкан ӱдырлан Лилия Петухован йоҥгалтарыме «Шочмо кече» мурым тунемаш темленыт. Златалан моткоч келшен. Лишыл жапыште у мурым возаш шонена», – ойла аваже К.И.Веткина.
