14-18 сентябрьыште Башкортостан Республик Уфа олаште тулык икшыве-влаклан «Вернуть детство» окружной фестиваль эртаралтын. Тушто Юл кундем федерал округ гыч 12-14 ияш 387 ӱдыр-рвезе мастарлыкшым ончыктен да вийжым терген. Йоча-влак волейбол, мини-футбол, ӱстембал модыш, шашке, стритбол дене модыныт. «Звезда ДЕТСТВА» конкурсышто муреныт, куштеныт, почеламутым лудыныт, уш-акылыштым тергеныт, шке ыштыме пашашт дене палдареныт. Пакчасаска ден саскам моторын пӱчкедымаште таҥасеныт. Марий Элын чапшым 24 ӱдыр-рвезе арален. Павел Шакиев «Модышым ямдылымаш» таҥасыште «Коча ден кова» пашаж дене сеҥышыш лектын.
«Коча ден кова» сеҥен
