Ик суртышто Коля ден Пырыс пеш келшен иленыт. Уремыште тӱрлӧ модыш дене пырля модыныт, кочкышымат пайленыт. Икте-весыштым араленыт да моткоч пагаленыт. Икана модмышт годым Пырыс йолташыжын почшым йоҥылыш пурлын. Тидлан Коля чот сырен да пӧртйымак шылын шинчын. Пырыс титакшым умылен да сӧрвален йодын: «Мый йоҥылыш пурлынам. Нелеш ит нал, йолташем. Мый тыланет теве сырым конденам». Но Коля рожым кӱнчен да тушко пурен шинчын. Кочкаш йӱдым веле лектын. Тылеч вара нуно икте-весыштым нигунам ужын огытыл.
Ксения КОРНИЛОВА.
Волжский, Пӧтъял.
