Пырыс молан пуным йоктара?

«Пырысемлан – лу тылзе. Пытартыш жапыште пунжо чот йога. Черлын ок кой, молгунамсе семынак модеш. Мый тудлан колым, шылым да шӧрым пукшем. Ала кочкышыжым вашталтыман?»

Н.СОКОЛОВ.

Советский район.

Йошкар-Оласе «Пушистый модник» зоосалонышто пашам ыштыше Н.В.ВАСИЛЬЕВА вашмутым пуа:

– 8-9 тылзаш улмыж годым пырысын пунжо икымше гана йога. Тудын пунжо вашталтеш: пеҥгыдыракыш да чоштыраракыш савырна. Ик ийыште кок гана йога гын, азапланыман огыл. Утларак да кужу жап йогымо годым ветеринар деч полышым йодман. Тыгай годым ныл йолан йолташ шкенжым молгунамсе деч чӱчкыдынрак мушкеш: у пуным тошто деч эрыкташ тырша. Сандене, оза-влак, шекланыза: шолораш шуко пун логалеш гын, пырыс черлана.

Ныл йолан йолташда таза лийже манын, арулыкым эскерыман. Кужу пунан пырысым чӱчкыдын шерман. Шинчалан колым, коптитлыме колбасам пукшыман огыл.

  • Христина Александрова

    «Ямде лий» газетын редакторжо.

    Related Posts

    Ушкал перкем пӧлекла

    Кызыт яллаште ушкалым шагалын ончат. Теве У Торъял округ Токтарсола школышто 2-шо классыште тунемше Вика Черняева, вич ушкалым да кок ӱшкыжым ашнена манын палдарымекыже, моткоч ӧрыктарыш. Ӱдыр дене ты кундемыш…

    Мӧҥгӧ пӧртыл!

    Школ гыч пӧртылын, ныл йолан йӧратыме йолташым ниялтымеке, чонлан куштылгын чучеш. Но коклан тудо йомын кертеш. Тыгодым мом ыштыман? Кузе тудым шочмо суртыш пӧртылтыман? Нине йодыш-шамычлан «Маленькие друзья с большим…