10-17 июльышто Марий Эл Республикысе йоча да самырык-влак усталык полатын «Радужный» тунемме рӱдерыштыже «Самырык техник» профиль смене эртаралтын. Тудо йоча-влакын шанче да технике усталыкыштым вияҥдымашлан пӧлеклалтын.
Тушко Марий Турек, Кужэҥер, Морко, Медведево, Волжский, Юрино, Советский, Шернур, Оршанке районла, Йошкар-Ола да Козьмодемьянск ола гыч 7-17 ияш 50 ӱдыр-рвезе ушнен. Йошкар-Олаште верланыше Республикысе йоча да самырык-влаклан технике усталык рӱдерын туныктышыжо-влак «Роботым ышташ лиеш», «Авиамоделизм», «Кагаз гыч конструирований. Самолет гыч ракете марте», «Мультимедийын негызше да фотофильмым ыштымаш» программылам эртареныт.
Сменын вес темыже – сандалык. Кандаш кече жапыште йоча-влак тӱнямбалысе да Российысе космонав-икын историйже, космический станций-влакын пашашт дене палыме лийыныт. Ӱдыр-рвезе-шамыч телескопым, ракетым кӧ шонен лукмым, Мландын молан тыртыш улмыжым ынде раш палат.
Самырык шымлызе-влак вертушкышто, квестыште уш-акылыштым тергеныт. Канашат жап пуалтын. Тӱҥжӧ – шанче тӱня деке лишкырак лийыныт.
