Мый изиэм годсек сӱретлаш йӧратем. Паша-шамычем чӱчкыдын конкурслаш колтем, сеҥыше-влак радамыш лектам. Шукерте огыл республикна мучко «Я рисую ПДД» сӱрет конкурс эртаралтын. Мыят тушко кумылын ушненам. Корнышто коштмо правилым эскерыше еҥын изи йочам вӱден ошкылмыжым сӱретленам. Ондак паша-влакым районысо йыжыҥыште акленыт. Мыйын сӱретемлан кӱкшӧ акым пуэныт да республикысе йыжыҥыш колтеныт. 9-11-ше класслаште тунемше-влак кокла гыч республикыштат икымше верым сеҥен налынам. Диплом да чапкагаз дене палемденыт, пӧлекым кучыктеныт.
Дарья САЙРАНОВА.
Башкортостан, Балтач, Иванай.
